banat w bas


 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 مدينه ضحكانيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
annosh
بنوته عاقله
بنوته عاقله
avatar

عدد الرسائل : 309
العمر : 31
علم بلدك :
my sms :


My SMS
الا تنصروه فقد نصره الله

اللهم صلى على سيدنا محمد وعلى آله واصحابه وسلم


تاريخ التسجيل : 28/01/2008

مُساهمةموضوع: مدينه ضحكانيا   الإثنين فبراير 04, 2008 6:56 pm

مدينة ضحكانيا

بقلم يوسف معاطي




في مدينة (ضحكانيا) العملة المتداولة بين الناس هي الضحك.

لا قيمة للفلوس.

الضحك هو الفلوس..

و النكد في ضحكانيا جريمة يعاقب عليها القانون..

و يساق المتهمون إلى المحكمة حيث القاضي بشوش الوجه.. وعضوي اليمين والشمال منفجران في ضحك متواصل أما المحامي فلا يستطيع ان يمسك نفسه
ولما اصر المتهمون على موقفهم وضربوا بوز في وجه القاضي حكم عليهم بأقصى العقوبة علقوا من اقدامهم في ساحة العدل وانهال عليهم عساكر ضحكانيا العسل ليس بالسياط وانما بالزغزغة ومن يضحك منهم يخرج في نصف المدة



واذا شاورت لتاكسي في شوارع ضحكانيا يجب ان تكون مبتسمًا لأن السائق سيقف فورًا و هو يضحك و يقول لك على فين يا قمر..و سترد عليه ضاحكًا اللى تشوفه و سينفجر السائق ضاحكًا..و يقول لك حلوة..اركب..وسيكسر العداد..وهنا ستبدأ أنت في دفع الاجرة..ليس نقودا و إنما نكات..اسمع دي..بيقولك مرة واحد..و السائق يضحك ويخبط على التابلوه..الله..قولها تاني..قولها تاني..و ربما قاطعك السائق وهو يدخل محطة البنزين قائلا: ثانية واحدةبس يخرب عقلك..(ضاحكا) ح نمون..سيقول له عامل البنزينة المبتهج..تاخد اد ايه يا اسطى..سيرد السائق:أنا معايا عشرين نكتة جداد.تسمع..يقول العامل..قول..ويبدأ السائق في القاء نكاته على عامل البنزينةوإذا لم يكن معه ما يكمل سيميل عليك و يقول لك..بقول ايه يا بيه
>..ألاقيش معاك نكتتين تلاتة فكة؟؟




و سيكون العريس اللقطة هو أخف العرسان دمًا..و هذا معناه في ضحكانيا إنه جاهز و مستقبله مضمون..أما العريس ثقيل الدم بعض الشيء فغالبًا ما يشار إليه على أنه لسة بيكون نفسه..
>و سيعترف الأب وهو يلفظ أنفاسه الأخيرة..لابنه الوحيد أنه ترك له ثروة طائلة من مسرحيات مولييرو برناردشو..و ترك في شكمجية تحت السرير شرائط لا حصر لها من مسرحيات مدرسة المشاغبين و شاهدماشافش حاجةو العيال كبرت وريا و سكينة..و اكثر من مائة ألف نكتة في شتى الموضوعات..ليبدأ حياته بهذه الثروة..و قبل ان يسلم الروح سيصر الاب ان يقول (الافيه) الاخير في حياته..يابني أنا مابقاش أبوك..أنا أمك وينفجران في الضحك..و ستدخل النساء و لن تفقع بالصوات و إنما بالزغاريدفقد مات الرجل على فراشه وهو يضحك وقف قلبه من شدة الضحك أحلى موتة


و المكتئبون في ضحكانيا ليسوا متهمين و إنما مرضى..يعالجون على نفقة الدولة..يذهب اليهم متخصصون في الاضحاك ليتابعوا الحالة..و يكتب الطبيب في الروشتة..مسرحية لعادل امام..وفيلم لإسماعيل ياسين وإذا كان طفلا يكتب له توم وجيري ثلاث مرات بعد الاكل أما الميئوس من حالتهم فيتم نفيهم الى (نكدانيا) و الاغاني في ضحكانيا ستكون كلها فرفشة و بهججة..طالماأن النشيد القومي هو اضحك كركر اوعى تفكر..و اغاني فراق الحبيبة ستغني ما معناه ربنا يوفقها كانت دمها خفيف برضه .





أما النساء في ضحكانيا فربنا يوعدك و يكون من حظك و من نصيبك متعة..

يأتي الزوج في الثالثة عصرا من عمله ليس مكشرًا ولا شايل طاجن سته..مبسوط و مروق..يعني هو كان بيعمل إيه في الشغل؟! كان بيهزر..تستقبله الزوجة بابتسامة ساحرةو هي تضع يدها على قلبهافهو قد أتى لها بنكات من الشغل و هي ستحكي له عن مفارقات العيال..و تصبح مسخرة
و أطفال ضحكانيا ..اطفال مثاليون..لا تسمع لهم زنة أو علة من اللي تعرفوها..حاجة تانية خالص..أذكياء..لماحون..و أشقياء أيضًا..مثل الولد يتاع فيلم(وحدي في المنزل)


و قد حدث أن ذهب عريس لقطة ليخطب واحدة في ضحكانياو أحضر معه شهاداته التي تثبت انه سجل ارقاما قياسية في اضحاك الناس و رسم البسمة على الشفاه.. وبمجرد ان دخل..وقابل الاب..امطره بسيل من النكات عن الابوة..والاب بأه.. جيبه من الارض من الضحك
و يقول الاب ماشاء الله..ربنا يزيدك يابني..
ودخلت ام العروسة مبتهجة..و قالت له مساء الضحك يابني
ربنا يزيدك يابني.
قال لها مساء الكوميديا يا نينا..
قالت له تشرب ايه يا حبيبي..
قال العريس اللقطة..بمناسبة الشرب بأه..بيقولك مرة واحد..وحكى نكتة عن الشرب..
والأم بأه..جيبها من تحت الكرسي
و تقول:والله يابني ماله لازمة التعب ده..
لا شك أن الزيجة ستتم فأين يجدون مثل هذا العريس المسخرة..
(و مسخرة كلمة ليست عيبًا في ضحكانيا)
ودخلت العروس و لكن ما ان تكلمت..و إذا بسماجة و غتاتة ليس لها مثيل..و بدأ العريس اللقطة يتوتر و لسان عقله يقول:آه هتبدأ الخنقة..و لما لم يجد مفرا قام في أدب و قال للام..انا اسف جدًا..بنتك تقيلة يا هانم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
admin
admin
avatar

عدد الرسائل : 493
العمر : 29
الموقع : فى الحياه
المزاج : فايقه ورايقه
علم بلدك :
my sms :


My SMS
اتمنى للجميع قضاء وقتا سعيدا
وممتعا معنا فى banat w as


تاريخ التسجيل : 25/01/2008

مُساهمةموضوع: رد: مدينه ضحكانيا   الثلاثاء فبراير 05, 2008 6:18 am

هههههههههههههههههههههههههههههه

ياريت تبقى هى دى الحياه والله

تسلم ايدك يا قمر

والله زى السكر Very Happy

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://banatwbas.up-your.com
بسبوسه
بنوته نشيطه
بنوته نشيطه


عدد الرسائل : 99
العمر : 24
علم بلدك :
my sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">أكتب هنا رساله قصيره تظهر للأعضاء</marquee></fieldset></form><!--- MySMS By AlBa7ar Semauae.com -->
تاريخ التسجيل : 04/02/2008

مُساهمةموضوع: رد: مدينه ضحكانيا   الثلاثاء فبراير 05, 2008 2:25 pm

يا شيخه دى حياه تشل على فكره

ده حتى كتر الضحك يميت القلب

هو اخره يبقى توبيك ويتقرا ههههههههههههههه

تسلمى يا سكرررررررررررررر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
annosh
بنوته عاقله
بنوته عاقله
avatar

عدد الرسائل : 309
العمر : 31
علم بلدك :
my sms :


My SMS
الا تنصروه فقد نصره الله

اللهم صلى على سيدنا محمد وعلى آله واصحابه وسلم


تاريخ التسجيل : 28/01/2008

مُساهمةموضوع: رد: مدينه ضحكانيا   الثلاثاء فبراير 05, 2008 7:14 pm

Admin كتب:
هههههههههههههههههههههههههههههه

ياريت تبقى هى دى الحياه والله

تسلم ايدك يا قمر

والله زى السكر Very Happy


ههههههههههههههههههههه

ياريت يا نانا

ميرسى يا قمر على ردك العسل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
annosh
بنوته عاقله
بنوته عاقله
avatar

عدد الرسائل : 309
العمر : 31
علم بلدك :
my sms :


My SMS
الا تنصروه فقد نصره الله

اللهم صلى على سيدنا محمد وعلى آله واصحابه وسلم


تاريخ التسجيل : 28/01/2008

مُساهمةموضوع: رد: مدينه ضحكانيا   الثلاثاء فبراير 05, 2008 7:17 pm

بسبوسه كتب:
يا شيخه دى حياه تشل على فكره

ده حتى كتر الضحك يميت القلب

هو اخره يبقى توبيك ويتقرا ههههههههههههههه

تسلمى يا سكرررررررررررررر

ايه يا بت الكآبه اللى انتى فيها دى

ما تسبى الراجل بيرفه عن نفسه يا ساتر عالم غريبه No
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مدينه ضحكانيا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
banat w bas :: قسم الضحك و الفرفشه :: •.♥.•° كاريكاتير ونكت °•.♥.•-
انتقل الى: